Home AMAKURU ADASANZWE. Abakobwa b’abarokore babifatira ngo ntibaryamana n’abahungu nababoneye ikibashobora. Isomere ubuhamya bw’umusore Jado:

Abakobwa b’abarokore babifatira ngo ntibaryamana n’abahungu nababoneye ikibashobora. Isomere ubuhamya bw’umusore Jado:

ubumwe

October 6, 2016

Umusore uzwi ku izina rya Jado utuye Remera mu mujyi wa Kigali arahamya ko umukobwa uwo ariwe wese washatse kuryamana nawe wabigeraho ngo biterwa n’uko witwaye gusa. Aba bakobwa bose uko bagera ku 8 Jado ubwe yiyemererako yabafashe irembo!
Jado ni umusore wize kuko yarangije icyiciro cya kabiri cya kaminuza, afite n’akazi keza kuko atuye mu mugi wa Kigali munzu nziza kandi iye bwite, agenda mu modoka nziza mbese kuburyo ubona afite ubushobozi bumufasha mukumwoherereza gahunda aba yihaye.
Nyuma y’uko umunyamakuru w’Ubumwe.com yahuye n’umwe mu nshuti zahafi za Jado. Umwe utariuje ko amazina ye amenyekanya, uyu yatangaje ko amaze guherekeza inshuro 4 abasaza mu miryango itandukanye ngo bagiye gufatira Jado irembo ariko bagategereza ubukwe bugaheba.
Mumagambo ye yagize ati: “ Rero njyewe narumiwe uziko tumaze kujya ahantu 4 tugiye gufatira Jado irembo ariko ukabona ntamyiteguro y’ubukwe ibaho. Nyuma wazamubaza impamvu akakubwira ko yasanze uriya mukobwa ntakigenda.
Uyu atangaza ko nyuma baje kugira ikibazo nk’inshuti yabo maze baramwicaza bamubaza ikibazo nyamukuru afite ngo maze nawe ababera imfura ababwiza ukuri ko izo ari ingamba yafatiye abakobwa bigize ba kagarara ngo ntibaryamana n’abahungu batari abagabo babo.
Uyu kandi yemezako hari n’umukobwa w’umurokore wo muri ADEPR uri muri abo 8 kandi we ngo Jado yamutanzeho amafaranga menshi kuko yakodeshereje abagiye kumufatira irembo imodoka kuko bagiye kurifata I cyangugu ahitwa ( Bushenge).
Uyu asobanura ko nyuma yo kubona ko ibi bimuha nawe ubwe isura mbi yahisemo kubyihorera ntazongere kujya kumusabira irembo ngo niyompamvu yagiye yo inshuro 4 gusa kandi yarafashe irembo ry’abakobwa 8.”
Nyuma yo kwumva aya makuru umunyamakuru w’Ubumwe.com yifuje kwishakira nyirubwite Jado maze akumva icyo nawe abivugaho maze mukumubona amubera impfura maze amubwira byose uko byabaye:
Yagize ati:” Nibyo koko ni ukuri ntabwo bambeshyera natumye abasaza kumfatira irembo mu ingo 8 zitandukanye kandi muri izo ngo inyinshi ni izabarokore. kandi kugeza ubu ngubu ndacyari ingaragu cyakora noneho umwaka utaha ndateganya kuzakora ubukwe n’ubwo umukobwa tuzabana atari muri aba 8 bamfatiye irembo.”
Umunyamakuru amubajije icyamuteye gukora ibi yasubije muri aya magambo :
Ati:” hari umukobwa nigeze gukundana nawe hanyuma musaba ko twaryamana ariyangira ariko wabonaga abyanga atari uko wenda avuga ngo ni ukwihagararaho,ahubwo wabonaga yifuza kufantisha ahubwo kugira ngo mfate umwanzuro w’uko nakwihutisha ubukwe tukabana. Kandi njyewe numvaga ntarageza igihe cyo gushaka umugore.
Ubwo nakomeje kumwinginga akiyangira { kandi numvaga mukunze pe. Nanabonaga ari umukobwa w’imico myiza nazagira umugore ariko bitari vuba kuko numvaga ntarageza igihe cyo gushaka nari ngifite ibindi byinshi nagombaga kubanza gukora} Ubwo uko iminsi yicuma naje kumubaza ngo ariko ko nkubwira ko tuzabana nagusaba ukanyima ngo keretse mbanje kugira icyo nkora kikwemeza ko tuzabana wumva icyabikwemeza ari iki? Maze umukobwa aransubiza ngo nibura umaze gufata irembo aho nabyemera ko koko uri uwanjye. Ubwo naramubwiye nti ntacyo reka mbyigeho.
Nibwo nahise ntekereza muri njye nti rwose uyu mukobwa afite ubwenge bucye! Ubuse ni iki cyamwemeza ko ntafata irembo narangiza sinzasubireyo. Ubwo koko naramubwiye nti ntacyo cheri vuba aha abasaza baraza kurifata maze twumvikana itariki ateguza iwabo kandi koko umunsi ugeze nohereza abasaza bajyayo basaba irembo maze nabo bararibaha. Yewe icyanshimishije ni uko uwo munsi nyine nibwo twahuye n’umukobwa ngo tujya kwishimira uko igikorwa cyagenze ampa n’amakuru dore ko njye mba ntanagiyeyo, twatandukanye ibyari byarananiranye byakunze kuko yatashye twaryamanye.”
Uko Jado yaje gufata irembo ry’abandi bakobwa bagera kuri 7 biyongera kuwambere .
Mu magambo ya Jado yagize ati nyuma yo kumara kubona ko uwo wambere gufata irembo byonyine byatumye ibyari byarananiranye bikunda nahise numva ko n’abandi bakobwa bose bananiye ko tutaryamana ntari umugabo wabo ubwo nabo byahia bikunda. Cyane cyane abarokore. Ubwo nahise nkora urutonde rw’abakobwa bose nasabye bakanyima niyemeza bose kubafata irembo .
Kandi nibyo nahereye ku murongo mpera k’uwo mu Bugesera kuko twari tumaze iminsi ubona ntarukundo dufitanye nahitaga mwereka ko narimaze iminsi ndigutekereza ukuntu twategura ubukwe hanyuma ngahita mubwira tugashyiraho itariki yo gufata irembo iwabo bakitegura nanjye nkohereza abasaza bikarangira nyuma y’igihe gito tukaryama kuko yabaga yiyumvamo ko ndi umugabo we byarangiye..
Icyo nabonye cyo abakobwa bakunda ubukwe,kuko iyo uberetse ko uri mumyiteguro y’ubukwe umera nk’aho ubahumye amaso ubwenge babutakaje. Ni uko byagenze kuri abo bakobwa bose uko ari 8. Kandi noneho ab’abarokore bo baranambeshyaga ngo reka tubisengere!

Abakobwa benshi bibwirako nyuma yo kumufata irembo aba abaye umugore wawe nawe wabaye umugabo we!

Jado avuga ingorane yahuye nazo:
Jado yabwiye umunyamakuru w’ubumwe.com ko ibiyariyiyemeje gukora bitamworoheye kuko yatakazaga amafaranga menshi aho nawe yagarutse ukuntu yohereje itsinda ryajyaga kumusabira irembo riturutse I Kigali rikajya I Cyangugu ,kuko byanabaye ngombwa ko abacumbikishiriza Kamembe kuko aho bafataga irembo hari kure batari kugenda ngo batahe Kigali. Ikindi yavuze ko abasaza bose bajyaga yo yabaga yabakodesheje kuko nta mubyeyi we yari gushyira muri ayo mafuti ye. Akomeza avuga ko yanakoresheje ubwenge bwinshi kuko imyiteguro itabaga yoroshye.
Abajijwe niba ntamukobwa cyangwa umuryango w’umukobwa muri abo bose uko ari 8 baba baragiye kumurega nko munzego z’ibanze yagize ati: “ Ashwi ntawandeze ariko….(Aseka cyane)Hari umuryango w’umukobwa umwe batuye Kimisagara musaza we w’umusirikari yigeze kunkanga ari no kuntera ubwoba ngo azandasa ninkinisha mushikiwe kuko hari uwari yamubwiye ko hari n’abandi benshi nabikoze ubwo iwabo baribagiyeyo ari ubwa 5.
Ariko nyuma naje no kumenya ko uwo mukobwa yari yarabyariye iwabo hanyuma mbwira uwo musaza we ko yambeshye ariyo mpamvu ntabana nawe. Maze musaza we arabyumva kugeza ubu ahubwo twabaye inshuti.
N’abandi bose ni uko byagendaga kuko burya umuntu utamushaka ntiwabura ikibi wamubonaho kandi gifite ishingiro k’uburyo umwereka ko bitakunda ko mukomezanya urugendo.
Jado akomeza avuga ko intego ye yayigezeho:
Jado yakomeje avuga ko n’ubwo atakwicara hasi ngo yishimire ko ibyo yakoze ari byiza,ngo nibura yakwicara akishima ko intego yihaye yayigezeho kandi n’icyo yashakaga kwiga yakimenye. Ati:” Ubu mubintu namaze kubona abanyarwandakazi bakunda ubukwe. Iyo yamaze kwumva cyangwa ukamwereka ko uri mumyiteguro y’ubukwe ahita yoroshya ibintu byose akumva kandi ko uhise ugira uburenganzira kuri we 100%. Nagira nga ngo mbereke rero ko ibi bihabanye n’ukuri. Gufata irembo ntabwo byemeza ko umuntu yabaye umugabo wawe cyangwa wowe wabaye umugore we.”
yanagize icyo avuga k’ubukwe ateganya mu ntangirira z’umwaka utaha wa 2017.
Yagize ati: “Umwaka utaha noneho mfite ubukwe n’undi mukobwa uteri muri abo 8. Turakundana kandi byose bisabwa tuzabikorera rimwe duhite dukora ubukwe tubane nk’umugabo n’umugore.”
Abajijwe niba uyu mukobwa bazabana yaramubwiye iyi mikino yakinnye ati: Yoooo arayizi neza cyane kandi ntan’icyo byamutwaye kuko nabyo ni ubushakashatsi mubundi. Ni nkuko nari kumubwira ngo nagiye gukora wenda ubushakashatsi ku mabuye y’agaciro,ku bidukikije,… Mbese yarabyumvise neza.
Jado yalomeje anavuga ko ahubwo n’inshuti ze z’abahungu bari barashwanye kubera bavugaga ngo abakoza isoni ko ubu bamaze gusubirana ko yabamenyesheje ko atazongera rwose ko ubushakashatsi yari arimo yabushoreje k’umukobwa wa 8.
Kandi yanatangaje ko ubu nawe yafashe umwanzuro wo gukizwa kuko yumva afite ubuhamya bwazafasha cyane cyane urubyiruko rukijijwe. Ati : Ngiye kuzabatizwa mu Itorero kandi nzashaka n’umukobwa ukijijwe aze dusezeranire muri iryo torero ryanjye.”

Mukazayire Immaculee