Home AMAKURU ACUKUMBUYE Agahinda k’abafana ba Chelsea kageze mu isarura.

Agahinda k’abafana ba Chelsea kageze mu isarura.

Inkuru mbi muri Chelsea zirisukiranya kuva umunsi umuherwe w’umurusiya Roman Abrahamovic yamburwaga iyi kipe.

Ikipe ya Chelsea yafashwe n’uyu mugabo w’umurusiya ifite agaciro ka miliyoni 190 z’Amadorari ayirekura igeze kuri miliyari 5.4 z’amadorari.

Gutandukana n’uyu mugabo wahinduye Chelsea igihangange ku isi, byagize ingaruka zikiyikurikirana kugeza na n’uyu munsi.
Muri shampiona y’Ubwongereza, iyi kipe iragenza amazuru kuko ibisikana n’intsinzi , hagahinduranywa abatoza gusa bitatanze umuti.

Umutoza mushya Frank Lampard wa Chelsea bikomeje kumugora.

Iyi kipe kuri uyu wa kabiri yariri guhangana na Real Madrid mu mukino wo kwishyura wa champions league, gusa urwishe ya nka ruracyayirimo, dore ko Chelsea yongeye kurangiza umukino itabonye izamu.

Umukino ubanza wari wahuje Real Madrid yakiriye Chelsea, warangiye ikipe ya Real Madrid itsinze 2-0.
Kuri uyu wa kabiri nabwo Real Madrid yasanze Chelsea iwayo naho iyihatsindira 2-0.

Kanda hano urebe izindi nkuru zacu z’amashusho

Buri muntu ukurikira ruhago ari kwibaza icyo iyi kipe ya Chelsea ibura, hakibazwa n’uburyo kizakemuka, ni mugihe iyi kipe yatanze akayabo igura abakinnyi bahwanye na miliyoni 350 z’amadorari.

 

NSENGIYUMVA JEAN MARIE VIANNEY

LEAVE A REPLY

Please enter your comment!
Please enter your name here