Nyuma y’umukino wahuje Arsenal yari ku mwanya wa mbere na Manchester city yari ku mwanya wa kabiri, biragaragara ko yakomwe mu nkokora mu rugendo rugana ku gikombe.
Kuri uyu wa gatatu, muri shampiona y’ubwongereza habaga umukino w’ikirarane w’umunsi wa 12. Ni umukino wabereye ku kibuga cya Arsenal Emirates stadium, aho iyi kipe ya Arsenal yabarizwaga ku mwanya wa wambere yari yakiriye ikipe ya Manchester city yari ku mwanya wa 2.
Uyu mukino wari uryoheye ijisho, aho amakipe yose yatangiye yatakana dore ko ku munota wa 24′ ikipe ya Manchester City yari imaze gufungura amazamu, ku gitego cyatsinzwe n’umukinnyi wo hagati Kevin De Bruyne. ku munota wa 42′ Arsenal yagarutse mu mukino ubwo yishyurirwaga na rutahizamu wo ku ruhande wa Arsenal kuri penaliti.
Igice cya mbere cyarangiye amakipe yombi agifite ikizere cy’amanota, gusa ikipe ya Manchester City yagarutse yariye amavubi, aho ku munota wa 72′ Jack Grealish yatsinze igitego bidatinze nyuma y’iminota icumi, kuwa 82′ Manchester city yashyizemo agashinguracumu, igitego cyatsinzwe na rutahizamu kizigenza wayo, Erling Haaland wuzuzaga ibitego 27 muri shampiona.
Ikipe ya Arsenal yarangije igice cya mbere cya shampiona itsinzwe umukino umwe inganyije umwe mu mikino 19. Kuri ubu ikipe ya Arsenal mu gice cya kabiri cya shampiona, mu mukino 5 iheruka imaze gutsindwa imikino 2, inganya umwe itsinda 2.
Arsenal ifite umukino w’ikirarane na Leeds, n’ubwo izongera igahura na Manchester city mu mukino wo kwishyura.
Kuri ubu urutonde rwa shampiona ruyobowe na Manchester city na 51 inganya na Arsenal zigakurikirwa na Manchester united ifite amanota 48.
Arsenal irakurikizaho ikipe ya Aston villa naho Manchester city ikirikizeho ikipe ya nottngham forest.
Nsengiyumva Jean Marie Vianney
