Home AMAKURU ACUKUMBUYE Arsenal yihanije buri wese uyitega iminsi, ivomerera ubutayu bwayo bw’ibikombe bwari bukomeje...

Arsenal yihanije buri wese uyitega iminsi, ivomerera ubutayu bwayo bw’ibikombe bwari bukomeje kumagara.

Umukino wa 20 wa shampiona y’Ubwongereza y’umupira w’amaguru, ikipe ya Arsenal yari ifite urubanza rutararangira hagati yayo na Manchester united.

Arsenal yaje mu mukino irusha iyikurikiye ya Manchester city amanota 2, yasabwaga gukomeza kongera ikinyuranyo hagati yayo na Manchester city zifitanye imikino ibiri zizisobanuramo.

Arsenal yinjiye mu mukino yiharira umupira, gusa Manchester united iyitunguza igitego ku munota wa 17′ cyatsinzwe na mMarcus Rashford.

Arsenal yahise ikora iyo bwabaga iracyishyura gitsinzwe na Eddy Nketia.

Igice cya mbere cyarangiye amakipe yose anganya, mu gice cya kabiri ikipe ya Arsenal yahise itsinda igitego cya Bukayo Saka cyaje guhita cyishyurwa na Resandro Martinez.

Ku munota wa 89′ Arsenal yaje ishyira akadomo ku inota iryo ariryo ryose ikipe ya Manchester united yari ikineye kuri Arsenal, iyitsinda igitego cyatsinzwe na Eddy Nketia watsindaga igitego cye cya kabiri muri uyu mukino.

Nketia watsinze ibitego 2 mu mukino

Aya makipe yombi yari amaze imikino itanu adatsindwa.

Arsenal yahise ishyira ikinyuranyo hagati yayo na Manchester city iyikurikiye cya amanota 5, mu gihe bafite umukino w’ikirarane ugomba kuzihuza.

Arsenal irabura umwaka umwe ngo yuzuze isabukuru y’imyaka 20 nta gikombe cya shampiona, dore ko igiheruka muri shampiona season ya 2003-2004.

Igitego cyahesheje arsenal amanota 3 ku munota wa 89′

Ni umukino wabereye ku kibuga cya Arsenal Emirates stadium urangira ikipe ya Arsenal yerekanye ko inkoko iri iwabo ishonda umukara.

 

NSENGIYUMVA Jean Marie Vianney

LEAVE A REPLY

Please enter your comment!
Please enter your name here