Madame Denise Nkurunziza kuwa kane saa saba z’ijoro yajyanywe n’indege ya AMREF akuwe mu murwa mukuru wa Bujumbura ajyanywe i Nairobi kubera uburwayi bwa Covid-19 bikaba bivugwa ko kugeza kuri ubu hataramenyekanwa uko amerewe.
Amakuru dukesha ikinyamakuru cyo muri Kenya Citizentvl, avuga ko Nyakubahwa Petero Nkurunziza akaba atari kumwe nawe, ahubwo Madam Denise akaba yarajyanye n’abashinzwe kumurinda 3, aho umwe muri bo nawe basanze arwaye, hakaba hibazwa ukuntu yemerewe kwinjira mu kindi gihugu kandi arwaye.
Madam Denise Bucumi Nkurunziza akaba arwariye mu bitaro bya kaminuza bya Aga Khan, I Nairobi, nyuma yogusanga yanduye COVID 19.
Ibi bikaba bibaye nyuma y’aho mu ntangiriro z’uku kwezi ku Itariki 12 Gicurasi ,binyuzemuri Ministeri y’Ububanyi n’Amahanga banditse ibarwa isaba abayobozi bahagarariye umuryango mpuzamahanga wita ku buzima WHO) kuva ku butaka bwabo. Mu gihe isi yose ihagurukiye kurwanya iki cyorezo cya koronavirusi hafatwa ingamba zo gukumira ikwirakwizwa ry’iki cyorezo, mu Burundi bari bamaze iminsi bari mu gikorwa cy’amatora, aho hahuriraga abantu benshi cyane aho Evariste Ndayishimiye ariwe wegukanye instinzi n’amanota 68,72%.
Mu Burundi nicyo gihugu cyonyine cyo muri Afurika kitigeze gihagarika umupira w’amaguru mu gihe cya Corona virusi.
Irène Nyambo
