Muri Repubulika iharanira Demokarasi ya Congo batangaje ko ku munsi w’ejo tariki 05 Gicurasi, hagaragaye abantu 92 banduye Covid-19. Akaba aribo benshi babonetse ku munsi umwe muri iki gihugu kuva iyi ndwara yahagera.
Muri abo, 69 babonetse mu murwa mukuru Kinshasa naho abandi 23 baboneka mu ntara ya Kongo Central bihana imbibi.
Iki cyorezo cyageze muri iki gihugu Kuva tariki 10 z’ukwezi kwa Werurwe kugeza ubu, hamaze kuboneka abantu 797 banduye, 35 yishe na 92 bayikize.
Mu minsi yashize muri iki gihugu batangaje ko imfungwa 104 zo muri gereza ya gisirikare ya Ndolo iri i Kinshasa bamaze kuzibonamo iyi ndwara, bikaba ari bimwe mubyatumye iyi mibare y’abanduye izamuka.
Kugeza ubu Intara 7 nizo zimaze kugaragaramo Covid-19, harimo Umurwa mukuru Kinshasa kugeza ubu ufite umubare munini ungana na 744, Congo central 29, Hout-Katanga 10, Nord-Kivu 7, Sud-Kivu ifite 4 naho ahitwa Ituri na Kwilu habonetse umuntu umwe ndetse na babiri.
N. Aimee
