Home AMAKURU ACUKUMBUYE Covid-19 : BALLON D’OR NTIGITANZWE UYU MWAKA

Covid-19 : BALLON D’OR NTIGITANZWE UYU MWAKA

Kuva mu mwaka wa 1956 igihembo kizwi nka Ballon d’Or gitangwa buri mwaka kigahabwa umukinnyi witwaye neza ku isi, uyu mwaka wa2020 ntikizatangwa,kubera imikino yakomwe mu nkokora n’icyorezo cya Covid-19.

Ibi byatangajwe n’ikinyamakuru cya Siporo cyo mu Bufaransa gisohoka buri cyumweru cyitwa France Football, kuri uyu wa 20 Nyakanga 2020.

Mu itangazo iki kinyamakuru cyashyize ku rubuga rwacyo rwa interinete cyagize kiti « mu bihe bidasanzwe uhasanga ibidasanzwe ! Bwa mbere mu mateka yacyo kuva cyatangira gutangwa mu mwaka wa 1956, igihembo kizwi nka ballon d’Or ntikigitanzwe uyu mwaka wa 2020 kubera impamvu zumvikana bihagije.»

Iki kinyamakuru kinakomeza kivuga ko Lionel Messi watwaye iki gikombe umwaka ushize, azakomeza kuba uwagitwaye n’uyu mwaka kitatanzwe. Iki gikombe cyihariwe muri iyi myaka 10 n’abagabo b’ibihangange 2 bagisimburanwaho aribo Christiano Ronaldo na Rionel Messi, uyu mwaka kikaba kitagitanzwe ngo turebe uzongera kucyegukana.

Kuko kuva mu mwaka wa 2008 kugeza 2019 aba bagabo bagendaga bagisimburanwaho uretse muri 2019 ubwo Luka Modric ukinira ikipe ya Real madrid yabacaga murihumye akakibatwara.

Twabibutsa ko umukinnyi wa mbere wagitwaye ari uwitwa  Stanley Matthews w’umwongereza wakiniraga ikipe ya Blackpool icyo gihe.

Dore uko abakinnyi bagiye bayitwara kuva 2000 kugeza ubu

2000: Luis Figo (Real Madrid)

2001: Michael Owen (Liverpool)

2002: Ronaldo (Real Madrid)

2003: Pavel Nedved (Juventus)

2004: Andriy Shevchenko (AC Milan)

2005: Ronaldinho (Barcelona)

2006: Fabio Cannavaro (Real Madrid)

2007: Kaka (Milan)

2008: Cristiano Ronaldo (Manchester United)

2009: Lionel Messi (Barcelona)

2010: Lionel Messi (Barcelona)

2011: Lionel Messi (Barcelona)

2012: Lionel Messi (Barcelona)

2013: Cristiano Ronaldo (Real Madrid)

2014: Cristiano Ronaldo (Real Madrid)

2015: Lionel Messi (Barcelona)

2016: Cristiano Ronaldo (Real Madrid)

2017: Cristiano Ronaldo (Real Madrid)

2018: Luka Modric (Real Madrid)

2019: Lionel Messi (Barcelona)

 

Titi Leopold

LEAVE A REPLY

Please enter your comment!
Please enter your name here