Uyu munsi Ministeri y’Ubutegetsi bw’Igihugu yashyize hanze amabwiriza asubiza muri gahunda ya Guma mu rugo imwe mu midugudu igize umujyi wa Kigali mu rwego rwo gukumira ikwirakwiza rya Koronavirusi.
Iyo midugudu ni 4 yo mu Karere ka Kicukiro ( Kamabuye, Zuba,Nyenyeri na Rugano)n’indi 2 yo mu Karere ka Nyarugenge ariyo: Kadobogo na Gisenga.
Aya mabwiriza Ministeri yatangaje ko agomba gutangira gushyirwa mu bikorwa guhera iri joro ishingiye ku busesenguzi bwakozwe n’inzego z’ubuzima.
Iri tangazo ryakomeje risobanura ko abakozi ba Leta n’abikorera batuye muri iyi midugudu basabwa gukorera mu rugo, ingendo hagati y’iyi midugudu n’indi zirabujijwe, ndetse n’utundi duce two mu mujyi wa Kigali dusabwa gukomeza kwirinda.
Iyi gahunda ya Guma mu rugo iyi midugudu yasubiyemo Ministeri yatangaje ko izamara iminsi 15.
Ibi bibaye mu gihe kuva mu cyumweru gishize hari ubwandu bushya bwagiye bugaragara mu Mujyi wa Kigali.
Mukazayire Youyou
Ngaho!! Nonec ubu si amarenga adusubiza mu nzu koko?!