Home AMAKURU ACUKUMBUYE Ingwe bayisanzemo Covid-19

Ingwe bayisanzemo Covid-19

Ingwe y’ingore ifite imyaka ine yo mu cyanya cy’inyamaswa (zoo) cya Bronx mu mujyi wa New York bayisanzemo coronavirus.

Iyi ngwe yitwa Nadia, birakekwa ko aribwo bwandu bwa mbere bw’iyi virus ya Covid-19 buvuye ku bantu bujya ku nyamaswa.

Bronx Zoo ivuga ko isuzumwa ry’iyi virus ryakozwe rikanemezwa na ‘laboratoire’ isuzuma inyamaswa yo muri leta ya Iowa.

Nadia, hamwe n’izindi ngwe nkuru eshatu n’intare ebyiri, birakekwa ko zandujwe n’umukozi uzitaho ufite iyi ndwara ariko utari ufite ibimenyetso.

Mu mpera z’ukwezi gushize, izi nyamaswa zatangiye kugaragaza ibimenyetso birimo inkorora hashize iminsi zihuye n’uyu mukozi utatangajwe.

Paul Calle umukuru w’abaveterineri bo kuri iyi Zoo yabwiye Reuters ati: “Ubu ni ubwa mbere ku isi twebwe twumvise umuntu wanduje inyamaswa, iyo nyamaswa nayo ikarwara”.

Imwe mu ngwe zo muri Bronx Zoo

Bwana Calle yavuze ko ibi babonye bagiye kubiha ibindi byanya by’inyamaswa n’ibigo bikora ubushakashatsi ku kwandura kwa Covid-19.

Nadia, indi biva inda imwe yitwa Azul hamwe n’intare eshatu zikomoka muri Afurika ni inyamaswa zagaragaje ibimenyetso, Bronx Zoo ivuga ko yizeye ko izi nyamaswa zizakira.

Ivuga ko izi nyamaswa zitagishaka kurya nka mbere, ariko ko ubundi “zimeze neza kandi ziri kwitabwaho mu buryo bushoboka”.

Iyi Zoo ivuga ko itazi uburyo iyi virus ikura mu mubiri w’inyamaswa nk’intare n’ingwe kandi ibi bigiye gutuma bakurikirana n’izindi nyamaswa.

Source: Bbc

 

LEAVE A REPLY

Please enter your comment!
Please enter your name here