Amakipe yatwaye ibikombe 20 bya champions league, Liverpool ifite 6 na real madrid yahuriye ku kibuga cya Liverpool unfiled road, kuri uyu wa kabiri ahaberaga umukino rurangiza wa 1/8 cya champions league.
Ni umukino wahuzaga ikipe ya Real Madrid yari yagiye gusura ikipe ya Liverpool. Aya makipe yaherukaga guhurira ku mukino wanyuma wa champions league iheruka ya 2022, yongoye gucakiranira muri 1/8.
Real madrid yatangiranye amakosa menshi mubwugarizi bwayo,ibi byatumye ku munota wa 3 no kuwa 15 Liverpool ibona ibitego byatsinzwe na Darwin Nunez na Mouhamed Salah.
Ntibyatinze ikipe ya Real Madrid yahise yigarura mu mukino yishyura ibyo bitego ku munota wa 20 no kumunota wa 35 binyuze muri rutahizamu wayo Vinicius Junior.
Igice cya mbere cyarangiye amakipe yombi aguye miswi,anganya 2-2. Amakipe yombi yerekeza kumva inama z’abatoza. Umutoza wa real Madrid yagarukanye na ekipe ye bariye karungu, bafata iw’abandi bahiha ibyicaro, bariyakira ndetse batanga ibihano kuri nyirurugo.
Ku munota wa 47 Militao yatsinze igitego cya 3 maze kizigenza wa real Madrid Benzema yiha akanya ko kwiyibutsa isi mu irushanwa yandikiyemo ibigwi. Uyu rutahizamu wa Real Madrid ku munota wa 55 na 67 yatsinze ibitego byatumye umukino urangira ari ibitego 5 bya Real Madrid ,yari yasuye kuri 2 Liverpool yariri ku kibuga cyayo.
Aya makipe arongera gucakirana mu mukino wo kwishyura mu cyumweru gitaha, aho hateganyijwe umukino wo kwishyura.
Real Madride yabaye ikipe ya mbere yatsindiye ibitego 5 hanze y’ikibuga cyayo.
NSENGIYUMVA Jean Marie Vianney
