UBUZIMA BW’UMUNYABIGWI DIEGO MARADONA

Amazina ye ni Diego Amando Maradona wahimbwe akazina ka El Pibe de Oro bivuga umwana wa zahabu, akaba yaravukiye I Lanus, mu mugi wa Buenos Aires muri Argentina. Yavutse mu kwezi kwa 10 tariki ya 30 umwaka wa 1960. Bivuze ko yitabye Imana afite imyaka 60 irengaho hafi amezi abiri kuko yatabarutse tariki 25/11/2020. Ababyeyi be ni Diego Maradona Senior na Dalma Salvadora Franco.

Uyu mukinnyi wabaye kizigenza mu ikipe y’igihugu cye cya Argentina, aho yibukwa cyane cyane ku gitego yatsindishije ikiganza umusifuzi ntarabukwe, aho kiswe ikiganza cy’Imana. Aho hari mumwaka wa 1986 tariki ya 22 Kanama kuri Stade ya Azteca Stadium mu mugi wa Mexico ubwo Argentina yakinaga n’igihugu cy’Ubwongereza mu mikino y’igikombe cy’isi, maze umukino ukarangira ku nsinzi ya Argentina itsinze Ubwongereza 2 kuri 1. Maradona abajijwe niba koko yagitsindishije ikiganza, yashubije atya ati “a little with my head, and a little with the hand of God”, bishatse kuvuga ngo “umutwe wange gato,n’ikiganza cy’Imana gato”.

Diego Maradona nubwo yari mugufi (1.65m) yari azwiho amacenga menshi, ndetse no gutera kufura (coup franc) haba mu ikipe y’igihugu cye ndetse no mu makipe atandukanye yakinnnyemo.

Ikindi Maradona azwiho, niwe mukinnyi wenyine ku isi waguzwe amafranga menshi inshuro ebyiri. Bwa mbere aguzwe na Barcelone kuri miriyoni 5 z’amayero, bwa kabiri agiye muri Napoli kuri miriyoni 9.6 z’amayero. Yakinnye igikombe cy’isi inshuro enye, harimo n’icyo yafashije igihugu cye kugitwara muri 1986 aho yatsinze Ubudage bw’iburengerazuba ku mukino wa nyuma. Muri kimwe cya kane aho batsinze Ubwongereza 2-1 ubwo yatsindaga igitego cy’ikiganza, ni naho yatsindiye igitego cya 2 cyaje gutorwa nk’igitego cy’ikinyejana na FIFA mu mwaka wa 2002,kuko yagitsinze aturutse muri metero 60 agacenga abakinnyi b’Ubwongereza batanu bose.

Nyuma yo gusoza gukina umupira, yanabaye umutoza w’ikipe y’igihugu cye mu mwaka wa 2008 ,aza no kuyijyana mu gikombe cy’isi cyabereye muri Africa y’epfo 2010. Nyuma yaje gutoza izindi kipe nka Al Wsl, Fujairah, ndetse aza no kuyobora ikipe ya Dynamo Brest muri Belarusiya. Nyuma yaje gutoza ikipe ya Dorados, aho yayivuyemo agatoza Gimna de LaPlata kuva 2019 kugeza ubu atabarutse. Azize indwara y’umutima bivuga ko yaba yarayitewe n’inzoga nyinshi ndetse n’ibiyobyabwenge yanyweye,akaba yaraguye mu rugo iwe kuko yari amaze iminsi avuye mu bitaro. Ijambo rya nyuma yavuze ni “ndumva ndwaye” (I feel sick)

Diego Maradona ikipe yakiniye inshuro nyinshi ariyo ya Napoli yo mu Butariyani (188 agatsinda ibitego 81), ubu yahisemo kwita izina stade yayo Diego Armando Maradona ikareka kwitwa San Paolo

Maradona atabarutse afite abana batanu ku bagore bane batandukanye, harimo n’umugore ufite imyaka 20 witwa Claudia Villafane. Akaba yari inshuti magara ya Hugo Chavez wari Perezida wa Venezuela.

Imana imuhe iruhuko ridashira.

Amakuru dukesha wikipedia atwereka ibigwi bye ku buryo bukurikira :

 AMAKIPE YAKINIYE

            GUKINIRA IKIPE Y’IGIHUGU

AMAKIPE YATOJE

Titi Leopold