Abakeba muri shampiyona bakomeje gutegana imitego ngo batsitazanye, arinako usitaye asigara abandi bakamucaho.
Imbere y’umusifuzi mpuza mahanga Uwikunda Samuel, uyu munsi tariki 07/05/2023, ikipe ya Kiyovu sports yacecekesheje abakeba yikura imbera ya Musanze FC yemye.
Kiyovu sports ntiyahaye agahenge abakeba hamwa n’abanzi bayo, kuko ku munota wa 2′ Nshimimana Ismael uzwi nka Pichou, yatsinze igitego cyaranze uyu mukino. Kiyovu sports yakomeje kuyobora urutonde rw’agateganyo rwa shampiona n’amanota 60, ikomeza kwicara ku ntebe y’icyubahiro.
Ikipe ya Kiyovu sports, iheruka igikombe cya shampiona mu myaka 38 ishize, yongeye kwinjira mu banyamahirwe imbere y’izindi kuri ubu ikikombe gishoboka kuba cyaboneka.
Kiyovu sports kuri ubu irabura gutsinda imikino 2 isigaye maze nyuma y’imyaka 38 akabati kayo kakongera guhumurirwa no kwakira igikombe cya shampiona.
Kiyovu sports ishigaje kwerekeza kuri Stade ya Nyagatare hazwi nka Gorogota gukina na Sunrise fc, ikacyira na Rutsiro FC maze yazitsinda ikegukana igikombe cya shampiona.
Abakeba bahanganye na kiyovu sports, aribo Rayon sports na APR FC nazo zari mu kibuga zihanganira igikombe.
Impamba zabaye nkeya kuri Rayon sports yatsinzwe na Gorilla FC 3-1 mu gihe ikipe ya APR FC yatsinze Espoir FC ibitego 2 kuri 1.
Urutonde rwa shampiona rwahise ruhindura isura kuko Kiyovu sports yakomeje kuruyobora, ariko Rayon sports isubira ku mwanya wa 3 APR FC yerekeza ku mwanya wa 2.
Kanda hano usure izindi nkuru zacu mu mashusho
NSENGIYUMVA JEAN MARIE VIANNEY
