Polisi yo mu Gihugu cya Afurika y’epfo iratangaza ko ubu iri gushakisha umujura wibye amafaranga angana n’amadorari 6000 Winnie Madikizela Mandela umufasha w’uwigeze kuba perezida muri icyo gihugu nyakwigendera Nelson Mandela.Ayo mafaranga bayamwibiye iwe murugo.
Aya mafaranga bibye Winnie ngo yari yayahawe ubwo yizihizaga isabukuru y’amavuko y’imyaka 80. Hanyuma ayabika munzu mu gihe yari ategereje ko ayajyana kuri banki.
Yivugiye ko yababajwe n’umuntu waba yabashije kwinjira munzu ye akamwiba ayo mafaranga maze anasaba Imana ko yakwerekana uwo muntu wa muhemukiye.
Winnie yavuze ko yamenye ko yibwe aya mafaranga ubwo yari agiye kureba aho yayabitse ngo atume umuntu kugura umugati.
Police yo muri iki gihugu yavuze ko nta muntu n’umwe irafata ariko ko igikomeje gushakisha uwaba yahemukiye uyu mubyeyi.
Munyaneza Pascal.