Liverpool yunamye kuri Manchester United ziyingayingana mu bigwi
Amakipe abitse ibikombe byinshi muri shampiona y’ubwongereza, yahuye maze Liverpool yihanangiriza Manchester.
Manchester united yari yagiye gusura mukeba bahanganye mu bikombe byinshi, dore ko aya makipe yose afite ibikombe 20 bya shampiona, akaba ari nayo abitse ibikombe byinshi muri shampiona y’ubwongereza.
Akayabo k’ibitego 7, nibyo ikipe ya Liverpool yapfunyikiye ikipe ya Manchester united, iyipfunyikira n’ikimwaro mu ruhago irayiherekeza.
Nibyo bitego bibonetse mu mikino yose yahuje aya makipe, bikaba ibya mbere Manchester united itsinzwe byinshi muri iki kinyagihumbi.
Indi ntsinzwi igayitse Manchester united yaherukaga, ni ukunyagirwa na Manchester city zituye mu Mujyi umwe wa Manchester.
Kanda hano urebe n’izindi nkuru zacu mu mashusho
Mohammed Salah 2, Gakpo2, Darwin Nunez 2 na Filmino nibo babyiniye uburimiro kuri mukeba wabo Manchester united. Ku rutonde rwagateganyo rwa shampiona y’Ubwongereza, ikipe ya Manchester united igumye ku mwanya wa 3 n’amanota 49, mugihe ikipe ya Liverpool iraye ku mwanya wa 5.
Manchester united yahabwaga amahirwe yo guhatanira igikombe cya shampiona bisa nkibiyoyotse, Liverpool amahirwe yo kongera gukina champions league ariyongera.
NSENGIYUMVA Jean Marie Vianney