Shampiyona y’umupira w’amaguru mu Rwanda,yari igeze ku munsi wayo wa 17 wari ishiraniro, aho amakipe yose ku isaha ya saa cyenda yinjiye mu kibuga acakirana mu buryo butandukanye, kuri stade ya muhanga.
Hari hari umukino w’umunsi, wahuzaga ikipe ya Kiyovu sports yari yahakiririye ikipe y’ingabo zigihugu ya APR FC.
Kuri stade mpuzamahanga ya Huye ikipe ya Mukura victory sports et loisirs yari yahakiririye ikipe ya Rayon Sports, naho kuri stade ya Ngoma ikipe ya Rwamagana fc yari yakiriye ikipe AS Kigali, muri iyo ntara y’Uburasirazuba.
Ikipe ya Sanrise kuri stade ya Nyagatare yahawe akabyiniriro ka GOROGOTA, yari yakiriye ikipe ya Gasogi united.
Mu ntara y’Uburengerazuba ikipe ya Rutsiro fc yari yahakiririye ikipe ya Musanze kuri stade ya Rubavu, naho iMuhanga ikipe ya APR FC yahatsindiye kiyovu yari yayihakiriye, iyitsinda ibitego 3 kuri 2.
Ni mugihe ikipe ya Kiyovu sports ariyo yafunguye amazamu ku gitego cyatsinzwe hakiri kare na IRADUKUNDA Bertrand, cyaje kwishyurwa na BIZIMANA Yanick,bidatinze ikipe ya APR FC yatsinze igitego cya Ramadhan, ikipe ya kiyovu yahise ikora impinduka zavuyemo igitego cyo kwishyura cyatsinzwe na NSHIMIYIMANA Ismael. Ku munota wa nyuma w’umukino ikipe ya APR FC yabonye igitego cyayihesheje intsinzi y’amanota 3, cyatsinzwe na myugariro wayo Clement NIYIGENA.
Iyi ntsinzi yahesheje APR FC umwanya wa mbere nyuma y’uko amakipe yarayiri imbere yo yatakaje amanota. Rayons sports yanganyirije i Huye 1 kuri 1 na Mukura naho ikipe ya AS Kigali itsindirwa I Ngoma na Rwamagana igitego 1 ku 0.
Ikipe ya Gasogi yari yerekeje Nyagatare yahavuye gitwari, ihavanye intsinzi ya 3 ku ubusa bwa Sunrise, ibi bituma Gasogi ikomeza kurwanira igikombe cya shampiyona irushwa n’ikipe ya mbere amanota 2 yonyine.
Mu yindi mikino ikipe ya Rutsiro yatsinze ikipe ya Musanze 1 ku ubusa, ku munsi w’ejo ikipe ya Police fc yatsindiwe mu rugo na Espoir 2-1.
UKO IMIKINO YAGENZE
Kiyovu Sports 2-3 APR FC
Mukura VS 1-1 Rayon Sports
Rwamagana 0-1 AS Kigali
Sunrise 0-3 Gasogi United
Musanze FC 0-1 Rutsiro FC
Uko amakipe ayoboye ayandi ahagaze
- APR FC 34
- AS Kigali 33
- Rayon Sports 32
- Gasogi United 32
- Kiyovu Sports 31
Kuri iki cyumweru hateganyijwe umukino umwe uzahuza ikipe ya Marine fc na Ettincelle zo mu Karere ka Rubavu.
NSENGIYUMVA Jean Marie Vianney
