kigo RAB cyahamagariye abaturage kujya bakoresha amata yatunganijwe hifashishijwe ikoranabuhanga rya UHT kuko ariryo ryizewe ku buziranenge bitewe nuko abafunze neza kandi abikika by’igihe kirekire kugeza kumezi 9 bidasabye firigo.
Byatangajwe mu bukangurambaga bwiswe gahorane amata ku ruhimbi, aho bahamagarira abaturage kujya banywa amata afunze mu makarito yatunganijwe hifashishijwe ikoranabuhanga rya UHT
Dr Solange Uwituze umuyobozi mukuru wungirije wa RAB ushinzwe ubworozi, avuga ko UHT ari ikoranabuhanga rigezweho rikoreshwa mu nganda mu gutunganya amata aho atekwa ku bushuye buri hejuru hagati ya dogire serisiyusi 135 na 140 ariko bigakorwa by’akanya gato hagati y’amasegonda 4 na 15 agahita akonjeshwa. Amata atunganyijwe muri ubu buryo iyo afunze neza mu ikarito abikwa by’igihe kirekire kugeza ku mezi 9 ari nayo mpamvu abaturage bagirwa inama yo kujya ariyo banywa kuko aba yujuje ubuziranenge.
Yagize ati” Bateka amata ku kigero cyo t hejuru cya 135 na 140, ariko bakabikora akanya gato hagati y’amasegonda 4 na 15 kandi bagahita bayakonjesha ako kanya.”
Yakomeje agaragaza ko icyiza cya UHT ari uko umunyarwanda wese ashobora kuyabika iwe mu rugo,adakeneye kuyakonjesha,impamvu burya gukonjesha icyo bimara bituma bagiteri zidakura vuba, kuko zikurira ahantu hari ikigero cy’ubushyuhe buri hejuru ya 25, rero iyo igikonjesha kuri 4 zimera nk’izisinziriye ariko zitapfuye, ku buryo ushobora kuyabika igihe kirekire mu rugo udakeneye firigo “.
Ubwo hatangizwaga ubukangurambaga bwise gahorane amata ku ruhimbi buhamagarira abaturage kunywa amata afunzwe mu ikarito yatunganijwe hifashishijwe ikoranabuhanga rya UHT Ikigo RAB cyagaragaje ko kugeza ubu mu Rwanda uruganda rw’Inyange arirwo rwonyine rubasha gutunganya amata yifashishijwe iri koranabuhanga.
James Biseruka umuyobozi mukuru w’uruganda Inyange avuga ko amata afunze mu ikarito bacuruza hirya no hino mu gihugu aba yatunganijwe hifashishijwe ikoranabuhanga rya UHT
Yagize ati” Ano mata iyo agiyemo umwenge na gato hakajyamo umwuka agira ikibazo, ntabwo birangirira aho yakozwe mu ruganda, harebwa nuko yahavanywe akagezwa kuri depo nuko uyageza ku muguzi wa nyuma iyo dukora buri minota 30 dufata ingero ntoya tukayibika tugakomeza no kureba kuko niyo habaye nako kabazo, tureba ese niki cyabiteye kugira ngo bitazagaruka”.
Jonathan Kinisu uhagarariye Ikigo mpuzamahanga cya Titapac muri afurika y’iburasirazuba kizobereye mu gutunganya no gupfunyika ibikomoka ku buhinzi n’ubworozi avuga ko kubufatanye n’uruganda Inyange bazagenda bazana udushya mu gukora ibicuruzwa bitandukanye bizatuma abanyarwanda barushaho kugira amahitamo atandukanye mu bicuruzwa by’uruganda Inyange.
Yagize ati”Urugamba Inyange n’ Ikigo mpuzamahanga gikora ibijyanye no gutunganya no gupfunyika ibiribwa ( Tetra Oak Ltd) turi mu mikoranire tureba ibicuruzwa bishya twashyira ku isoko, uyu munsi dufite amata dufite umutobe ariko dushaka kureba ikindi gicuruzwa gishya twashyira ku isoko ku buryo abaguzi bagira amahitamo atandukanye”.
Ikigo RAB kigaragaza ko kuri ubu buri munyarwanda anywa litiro z’amata 75 ku mwaka, ariko ko umubare munini nturasobanukirwa gutandukanya amata afite ubuziranenge n’atabufite, ariyo mpamvu hatangijwe ubu bukangurambaga busaba abaturage kunywa amata afunze mu ikarito kandi yatunganijwe hakoreshejwe ikoranabuhanga rya UHT cyane ko biba binanditseho inyuma.
M.Nyandwi Marie Louise
