Rayon Sports mu mukino w’amateka, ese iki cyaba ari cyo gihe?

Rayon Sports igeze muri 1/2 cya CECAFA Kagame Cup, ibyaherukaga mu imyaka 13 ishize, yanatwaye shampiyona 1998 na 2013, ese iya 2026-2027 yo bite?

Rayon Sports ya Amissi Cedric, Kambale Salita Gentil na Kharim Mackenzi, ni yo yaherukaga kugera muri 1/2 cya CECAFA Kagame Cup 2013.

Iri rushanwa ryari ryabereye muri Sudan, Rayon Sports yajyanye n’umukeba w’ibihe byose, APR FC watsindiwe ku mukino wa nyuma na Vital’O 2-0, bya Amissi Tambwe 63′ na Deo Ndayishimiye 65′).

Rayon Sports yabaye iya kabiri mu itsinda B ryayobowe na Express yo muri Uganda.

Rayon Sports mu itsinda (2013)

– Elect Sport (Tchad) 3-3 Rayon Sports

– Express (Uganda) 2-1 Rayon Sports

– Rayon Sports 4-1 AS Port (Djibouti)

Muri 1/4, Rayon Sports yasezereye URA ya Uganda ku bitego 3-2. Ibitego bibiri bya Kambale Salita Gentil n’icya Amissi Cedric.

Muri 1/2, Rayon Sports yacakiranye na Vital’O ya Nyakwigendera Kanyankole Gilbert Yaounde, yari yanganyije na APR FC 1-1 mu itsinda A.

Mu gihe APR FC yatsindaga Merreikh Fasher 2-1, Rayon Sports yo yatunguwe n’igitego cy’umutwe cyatsinzwe na Celestin Habonimana mu maso ya Amissi Cedric na Iddi Nshimiyimana, ku munota wa 74 kuri free kick yari itewe na Nkurunziza D’Amour w’i Burundi.

Rayon Sports yatsindiwe ku mwanya wa gatatu na Al Merreikh Al Fasher 1-0 kitagombowe.

Aha Rayon Sports yabuze amahirwe yo kongera gukina umukino wa nyuma, yaherukagaho mu 1998 itsinda Mlandege 2-1.

Kuri uyu wa Kabiri, Rayon Sports irongera kugerageza amahirwe yo gukina umukino wa nyuma, aho muri 1/2 iza guhura na Jamus SC ya Muhire Kevin, na yo iribukine bwa mbere 1/2.

Ubwo mu 1998 na 2013, Rayon Sports yakinaga imikino ya 1/2 cya CECAFA yanatwaye shampiyona.

Igihe cyaba ari iki ko aba Rayon bafata uyu mwaka w’imikino bakawugira uwabo?

Dore gahunda y’uyu munsi 04/08/2026 uko iteye

Gor Mahia na Al Hilal ziracakirana saa cyenda.

Jamus SC na Rayon Sports zicakirane saa moya z’umugoroba kuri Kigali Pelé Stadium

Tuhahurire ubundi twirebere uburyohe bwa ruhago!

Titi Léopold