Shampiona y’Ubwongereza y’umupira w’amaguru ikunzwe kurusha izindi ku Isi yakomeje aho hakinwe umunsi wayo wa 19 wa shampiona.
Umukino wari ukomeye kurusha iyindi, ni uwahuje amakipe abiri aturuka mu mujyi umwe. Manchester united yari yakiriye ikipe ya Manchester city kuri stade yayo ya Old Trafford.
Aya makipe yombi yabanje kutagaragaza icyerekezo neza, aho igice cya mbere cyarangiye nta gitego kinjijwe mu mazamu yombi, kuko mu gice cya kabiri niho amakipe yose yarebye mu mazamu.
Umukino ubanza aya makipe yahuriyemo, ikipe ya Manchester city yari yandagaje mukeba wayo Manchester united,iyipfunyikira ibitego 6-3.
Ku munota wa 60,nibwo Manchester city yafunguye amazamu, abakunzi ba Manchester united batangira kwiheba kuko imaze iminsi iyitsindira Old Trafford.
Manchester united yabaye nk’iriye amavubi ku munota wa 78; ndetse na 80 baje bishyura ndetse batsinda igitego cy’intsinzi.
Icyo imibare ivuga kuri uyu mukino…
Ni umukino wa 9 ikipe ya Manchester united imaze itsinda yikurikiranya.
Manchester city, ni ubwa mbere itsinzwe umukino yabanje igitego kuva muri 2013-2014.
Manchester United, yatsinze bwa 1 Manchester city I Old Trafford mugihe igice cya mbere banganyije 0-0.
Manchester city yatsindiwe na Jack Grealish, Manchester united itsindirwa na Bruno Fernandes na Marcus Rashford.
Ibi bisize aya makipe akurikiranye ku rutonde rwa shampiona arushanwa inota1.
Kuri ubu urutonde rwa shampiona ruyobowe na Arsenal.
1) Arsenal 44
2) Man City 39
3) Man United 38
4) Newcastle 35
Manchester united irakurikizaho Crystal palace mu mukino w’ikirarane ikirikizeho Arsenal.
NSENGIYUMVA Jean Marie Vianney
