Umwaka urirenze abakunzi ba chelsea amarira ari yose nyuma yo gutandukana na Ibrahimovic Roman, bakaba bibaza aho aherereye.
Intambara ya Ukraine n’Uburusiya yagize ingaruka mu nzego nyishi z’ubuzima harimo no kubuzima bw’ikipe ya Chelsea. Umwaka urirenze abakunzi ba chelsea amarira ari yose nyuma yo gutandukana na Ibrahimovic Roman wari warayihinduye igihanganjye mu Bwongereraza no ku mugabane w’iburayi.
Mu mwaka wa 2003, umuherwe w’umurusiya, Roman Ibrahimović yaguze ikipe ya Chelsea yari iri mubibazo by’ubukungu, uyu muherwe yahaye akazi umutoza w’umunyaPortugal Jose Mourinho wahise utwara igikombe cya champiyona y’Ubwongereza mu mwaka wakurikiye ho.
Iyi kipe kandi ku ngoma ya Roman Abrahimovic, Chelsea yegukanye igikombe cya champions league muri 2012, itsinze ikipe ya Bayern Munich ku mukino wa nyuma hamwe n’umutoza Roberto Di Mateo ndetse icyisubiza no mu mwaka wa 2021 hamwe n’umutoza w’umudage Thomas Tuchel, atsinze ikipe ya Manchester city ku mukino wa nyuma.
Yatwaranye na Chelsea ibindi bikombe bikomeye ku mugabane w’ Iburayi harimo Europa league n’igikombe cy’isi cy’amaclub.
Nyuma yo gufatirwa ibihano ku mugabane w’Iburayi, uyu muherwe Roman Ibrahimovic yasabwe kugurisha iyi kipe ya Chelsea maze ihabwa umuherwe w’umunyamerika Toddy boelly.
Ibrahimovic yatanze akayabo k’amapoundi arenga miliyali 2 agura abakinnyi, nyuma uwari Ministiri w’intebe mu Bwongereza muri icyo gihe Boris Jonson yemeje ko Ibrahimovic afitanye isano na Putin mu Ntambara ya Ukraine maze bishyira umusozo ku rugendo rwe muri Chelsea ahabwa akayabo ka miliyari 4.25 y’amapound kuri chelsea mu kwezi kwa Gicurasi 2022 .
Ibrahimovic n’ubusanzwe utarajyaga akunda kugaragara mu itangazamakuru cyane, nyuma ya Chelsea amakuru ye yabaye macye kurushaho. Kuri ubu rero uyu muherwe aherereye mu murwa mukuru wa Turukiya Istambul aho ari gushora imari nyuma yuko asaga miliyali 15.5 mu mapaund yafatiriwe mu Bwongereza.
Hari amakuru avuga ko kandi uyu mukire w’Umurusiya ashobora kugura ikipe muri Turukiya akayishoramo imari.
Uyu muherwe ntazibagirana mu bakunzi ba Chelsea kubw’ibikorwa nka stade ya Stamford bridge yubakiye iyi kipe, ibikombe bya shampiyona ndetse n’ibikombe byo ku mugabane w’Iburayi twavuze haruguru.
Umwaka umwe urashize gusa iyi kipe yarangirije ku mwanya wa 12, bivuze ko iyi kipe nta rushanwa na rimwe yemerewe kwitabira ryo ku mugabane w’Uburayi.
Kanda hano usure izindi nkuru zacu mu mashusho
Nsengiyumva Jean Marie Vianney
