Mu gihe Isi iri kwitegura umunsi mpuzamahanga wagenewe Ubuzima bwo mu mutwe ku itariki ya 10 Ukwakira; ikigo mpuzamahanga gishinzwe ibijyanye n’ubuzima bwo mu mutwe World Federation for Mental Health (WFMF) kikaba cyaratanze insanganyamatsiko y’uyu mwaka 2021, ariyo “UBUZIMA BWO MU MUTWE MW’ISI Y’UBUSUMBANE”.
Iyi nsanganyamatsiko barayihisemo ku rwego rw’isi n’abakurikirana ubuzima bwo mu mutwe ndetse harimo n’abagize uyu muryango wa WFMF, abafatanyabikorwa ndetse n’abashyigikira gahunda zo kwimakaza ubuzima bwiza bwo mu mutwe.
Bakaba barahisemo iyi nsanganyatsiko bitewe n’uko isi ifite ubusumbane hagati y’abakene n’abakire bugenda bufata iyindi ntera. Abantu bakize bakomeza bazamuka mu bukire mu gihe abakene nabo umubare wabo ugenda wiyongera cyane.
Umwaka wa 2020 wagaragaje ubusumbane ku rwego rwo hejuru bitewe n’ ivangura rishingiye ku ruhu, igitsina, n’irondaruhundetse no kutubaha uburenganzira bwa muntu mu mu bihugu byinshi, ndetse harimo n’abantu babana n’uburwayi bwo mu mutwe. Rero ubwo busumbane bukaba bufite ingaruka mbi mu buzima bwo mu mutwe bw’abantu benshi.
Iyi nsanganyamatsiko y’uyu mwaka wa 2021, izagaragaza ko hakiri ubusumbane bwo hejuru mu guhabwa serivisi z’ubuzima bwo mu mutwe; ku kigereranyo cya 75% kugeza kuri 95% y’abantu bafite uburwayi bwo mu mutwe mu bihugu bikenye ndetse n’ibiri mu nzira y’amajyambere,bakaba badashobora kubona serivise z’ubuzima bwo mu mutwe. Ndetse izo serivise no mu bihugu bifite abaturage bahembwa amafaranga menshi nayo si nziza cyane.
Kuba ubuzima bwo mu mutwe nta nkunga bubona bituma ingengo y’imari y’ubuzima bwo mu mutwe ihungabanywa. Abantu bafite ibibazo by’ubuzima bwo mu mutwe ntibabona ubuvuzi bakwiriye ndetse imiryango yabo n’ababitaho bakomeza guhabwa akato muri sosiyeti.
Ubusumbane hagati y’abafite n’abadafite bugenda bwiyongera; ubushakashatsi bwerekana ko hari itandukaniro mu buvuzi buhabwa abafite uburwayi bwo mu mutwe aho usanga bishobora kumara guhera ku mwaka kugeza ku myaka itanu kugira ngo umuntu abone ubufasha mu buryo bw’imitekerereze, imibanire ndetse n’imiti mu gihe biri ngombwa. Kandi ibi akaba ari ibintu umurwayi wo mu mutwe akenera umunsi k’uwundi.
Kuvangura no guha akato abafite uburwayi bwo mu mutwe bahura naryo, ntibibagiraho ingaruka gusa ku buzima bugaragara, ahubwo bukora no kubuzima bwabo bwo mu mutwe. Bikaba bibagiraho ingaruka mu myigire yabo, mu mirimo bafite ndetse n’amahirwe mu gihe kizaza. Ibi byose bikaba bigera no ku miryango yabo.
World Federation for Mental Health (WFMF) igaragaza ko ubu busumbane bukwiye guhinduka, ko bidakwiye uko bimeze. Koa bantu bose bakwiye guhagurukira hamwe, kuko buri wese afite icyo yakora mu kugira ngo aba bavandimwe bafite uburwayi bwo mu mutwe babeho neza ; kuko bakeneye ubufasha mu ngeri zose.
Banibukije ko n’abantu bagenda bahura n’uburwayi busanzwe bw’umubiri bibatera ibibazo byo mu mutwe, benshi muri bo bafite indwara y’umuhangayiko ndetse n’agahinda gakabije. Noneho ibi bigatizwa umurindi no kutakirwa muri sosiyete ndetse n’ubukungu bwabo, n’uburyo bw’imibereho butaba ari bwiza.
Icyorezo cya COVID 19 cyerekanye impact y’ubusumbane mu by’ubuzima dore ko nta gihugu na kimwe cyari kiyiteguye. Iki cyorezo cyazengereje benshi ,ingaruka zacyo mu by’ubukungu bizafata igihe kugira ngo bisubire ku murongo.
Hakwiye kugira igikorwa kandi cyihuse…
Umunsi mpuzamahanga w’ubuzima bwo mu mutwe “ ubuzima bwo mu mutwe mu isi y’ubusumbane” Iki kigo cyo kurwego rw’Isi gishinzwe ubuzima bwo mu mutwe, kigaragaza ko Ubukangurambaga buzabafasha gucukumbura ku bibazo bitera ubwo busumbane yaba ku rwego r’Igihugu by’umwihariko ndetse no ku rwego rw’Isi muri rusange. Bakeneye gufasha mu guhangana n’iki kibazo cy’ubusumbane mu karere k’i wabo.
Aho uyu muryango ushishikariza abashakashatsi kubasangiza ibyo bazi ku bijyanye “ n’ubusumbane mu buzima bwo mu mutwe”; ndetse n’ibitekerezo ku cyakorwa ngo ubu busumbane bucike burundu.
Ikigo WFMH cyashinzwe mu mwaka wa 1948, isi yari ivuye mu ntambara ikomeye ariko kandi ibisubizo by’ibyo bibazo byari byugarije isi byakemuwe n’abafatanyabikorwa bayo ndetse n’abaturage bafite ubushake bwo kubungabunga ubuzima bwiza bwo mu mutwe.
“ Ba umufatanyabikorwa, ba umuvugizi”
Irène Nyambo
