Geneve, 8 Ukuboza 2020 – UNCTAD yahaye ibigo 3 ibihembo kubera byateje imbere ishoramari bikabasha no guhangana n’ibibazo by’icyorezo cya COVID-19. Ibi bigo bikaba byaturutse muri Esitoniya, Ubuhinde n’u Rwanda bikaba byarahawe ibihembo bya Loni kubera byabaye indashyikirwa.
Abatsinze bamenyekanye mu nama yo guteza imbere ishoramari ku isi mu 2020, mu huriro ry’ishoramari ku isi, ryateguwe na UNCTAD ku bufatanye n’ishyirahamwe ryo ku isi rishinzwe guteza imbere ishoramari (WAIPA). Perezida wa Botswana, Mokgweetsi Masisi, na Minisitiri w’intebe wa Barbados, Mia Mottley, nibamwe mu bashyitsi bakuru bari bitabiriye uyu muhango batanze ijambo nyamukuru kubari bitabiriye uyu muhango.
Umunyamabanga mukuru wa UNCTAD, Mukhisa Kituyi, na Perezida wa WAIPA, Fahad Al Gergawi, nibo bafunguye ibi birori by’iminsi ibiri kuri interineti, byatangiye ku ya 7 Ukuboza, Dr. Kituyi yagize ati: “Icyorezo cyagaragaje uruhare rukomeye rw’inzego ziteza imbere ishoramari ndetse n’ibindi bigo bya Leta, nk’akarere kihariye k’ubukungu”.
“Nkuko benshi bahura n’ingamba zo kongera gufata ingamba, bakeneye guhora bamenyeshwa ibyerekeranye n’ishoramari rikomeye ndetse n’ihindagurika rya politiki kandi bakumva ingaruka ziterwa no kuzamura ishoramari.”
Inama yo gutangiza ku rwego rwo hejuru yahuje abayobozi b’ubucuruzi n’abahagarariye mu nzego zo hejuru z’imiryango mpuzamahanga kugira ngo bungurane ibitekerezo ku cyerekezo cy’ishoramari, uburyo bushya bwo gukurura ishoramari rirenze icyorezo ndetse no guhindura ingamba za guverinoma.
Ibigo byatsinze:
- Ikigo cy’ishoramari cya Esitoniya cyatsindiye igihembo kubera udushya twagaragaje mu gushyigikira abafatanyabikorwa n’abashoramari mu gihe cy’icyorezo binyuze mu bisubizo by’ikoranabuhanga.
- Ishoramari ry’Ubuhinde ryatsindiye iki gihembo mu rwego rwo gushimira ubwinshi bwa serivisi n’amakuru yahaye umuryango w’abashoramari bo mu Buhinde kuva icyorezo cyatangira.
- Ikigo gishinzwe iterambere ry’u Rwanda cyatsindiye igihembo kubera gukoresha neza serivisi zinoze ziteza imbere ubucuruzi no kuri interineti mu gihe cy’icyorezo ndetse no gushyiraho ubufatanye mu koroshya no gutegura ubukungu bw’igihugu kugira ngo busubirane. Ubu bufatanye bwibanze ku guteza imbere ubumenyi bushya mu bakozi, kubungabunga umutekano mu rwego rw’ubukerarugendo no guteza imbere ikoranabuhanga, n’ibindi.
Uyu mwaka UNCTAD yatanze igihembo kidasanzwe gishimangira imbaraga z’ibigo mu kwinjiza uburinganire mu kuzamura ishoramari mu rwego rwo kurushaho kwagura uburinganire n’ishoramari.
Ikigo gishinzwe guteza imbere ishoramari muri Kosta Rika (CINDE) cyahawe igihembo cyihariye kubera ingamba zacyo mu gukemura uburinganire mu kazi kacyo.
CINDE yashyizeho intego, isobanura ibipimo ngenderwaho, kandi itezimbere ubufatanye kugira ngo igire uruhare mu mihigo y’igihugu ku buringanire n’ubwuzuzanye bw’abagore ndetse n’intego irambye y’Iterambere 5, ikemura iki kibazo.
Kuva mu 2002, UNCTAD yahaye ibigo 60 biteza imbere ishoramari n’indi miryango yo mu bihugu 49 kubera imbaraga zabyo zo guteza imbere ishoramari mu iterambere rirambye.
Nd. Bienvenu
