Home AMAKURU ACUKUMBUYE UEFA CHAMPIONS LEAGUE: REAL MADRID NI INTSINZI CYANGWA IKAVAMO.

UEFA CHAMPIONS LEAGUE: REAL MADRID NI INTSINZI CYANGWA IKAVAMO.

86
0

Nyuma y’igihe kinini imikino mpuzamahanga yo kumugabane w’Uburayi idakinwa, murwego rwo kwirinda ikwirakwira ry’icyorezo cya korona virus, kuri uyu wagatanu rurambikana hagati y’amakipe atarakinnye imikino yokwishyura.

Imikino yitezwe na benshi ni umukino uza guhuza real Madrid na Manchester city ndetse nuza guhuza Lyon na juventus yo mugihugu cyo mu Butaliyani. Ni imikino iza kuba ikomeye ku mpande zose bitewe nuko mu mikino ibanza amakipe abiri afite amateka akomeye muri iyi mikino yo ku mugabane w’uburayi. Imikino yose irakinwa saa tatu nigice.

Juventus de turin ifite akazi gakomeye, nyuma yo gutanga miliyoni 100 z’Amayelo ikagura Christiano Ronaldo kugirango ayifashe gutwara champions league, nyuma yo kuyirukaho igihe kirekire. Hari ibyago byinshi by’uko iyi kipe ishobora kumara imyaka ibiri idatwaranye n’uyu mukinnyi igikombe yamuguriye gutwara.  Juventus irasabwa gutsinda ibitego 2 kuzamura, kugirango ikomeze. Mugihe Lyon isabwa byibuze kunganya.

Mugihe Juventus iribube irya iminwa yisobanura na Olympique Lyonnais, Real Madrid imaze gutwara iki gikombe inshuro nyinshi, iraba irigutana mu mitwe na Manchester city itaratwara iki gikombe inshuro n’imwe ariko ikaba yaratsinze Real Madrid ku kibuga cyayo Santiago Bernabeu ibitego 2 kuri 1. Karaba ari akazi gakomeye kuri Zinedine. Iyi mikino yose iraza kuba saa tatu zuzuye hano mu Rwanda.

Kevin Debruyn na Ryad mahrez nabo bitezwe cyane kuruhande rwa manchester city

Ibintu 5 byingenzi wamenya ku mukino wa Real Madrid na Manchester city.

  1. Ni ubwa 3 aya makipe yombi ahuye muri champions league, Manchester city ariyo yakiriye. Muri iyo mikino 3 ibiri baranganyije.
  2. Real Madrid yatsinze imikino 5 muri 11 yakiniye mu Bwongereza iri gukina n’amakipe yo mu Bwongereza yatsinze amakipe ane ariyo: Leeds, Liverpool,Manchester united, na Totenham. Yanganyije imikino 3 itsindwa 3.
  3. Manchester ntabwo iravamo yatsinze umukino ubanza mu marushanwa ya UEFA ageze mu mikino yo gukuranwamo.
  4. Real Madrid ni ubwambere kuva muri 2015 igiye gukina umukino wo kwishyura yaratsinzwe umukino ubanza isabwa kubanza kwishyura. Ni nyuma yaho muri 2015 yariyatsinzwe ibitego 2:0 ku mukino ubanza, naho mu mukino wo kwishyura igatsinda 3:0.

Umutoza wa Manchester city Pep Guardiola yatsinze imikino 28 mu mikino yo kuvananamo (knockout) muri champions league.Naramuka akuyemo  Real Madrid azaba abaye umutoza wa 3 ukuyemo real inshuro zirenze imwe mu mateka y’umupira w’amaguru. Abandi babikoze ni Marcello Lippi (1995-96, 2002-3) Ottmar Hitzfeld (2000-01, 2006-2007).

Tukwibutseko Real Madrid iza kuba idafite umukinnyi Sergio Ramos, uribuze kuba asiba umukino wa gatatu nyuma yo guhanwa na UEFA, kikaba ari ikintu kiza kugora iyi kipe yo mu bwami bw’Abanyaespagne.


Umukinnyi Sergio Ramos, wa Real Madrid utaza kugaragara muri uyu mukino.

Mutabazi Parfait

LEAVE A REPLY

Please enter your comment!
Please enter your name here