Ku mugoroba wo ku Cyumweru tariki 24 Gicurasi 2026, ni bwo ikipe yo mu Bwongereza ya Arsenal yashyikirijwe igikombe cya English Premier League yegukanye nyuma y’imyaka 22 cyarayihishe, hakaba hari ku munsi usoza Shampiyona y’Icyiciro cya Mbere 2025-2026 muri iki gihugu.
Arsenal yashyikirijwe iki gikombe nyuma yo gutsindira Crystal Palace iwayo ibitego 2-1, aho imikino yose uko ari icumi yakiniwe rimwe kuri uyu munsi wanyuma wa Premier League.
Ikipe ya Man City yari ihanganiye bikomeye iki gikombe na Arsenal, yasoje shampiyona itsindirwa mu rugo na Aston Villa ibitego 2-1, mu mukino wa nyuma umutoza Pep Guardiola yatozaga iyi kipe yagezemo mu 2015, akaba ayivuyemo atwaye ibikombe 20 birimo bitandatu bya shampiyona.
Arsenal isoje Shampiyona y’u Bwongereza iyoboye andi makipe n’amanota 85, ikaba yakurikiwe na Manchester City yo yasoje ifite amanota 78.
Iyi Shampiyona isojwe amakipe ya Westham United, Burnley na Wolverhampton amanutse mu cyiciro cya kabiri.
