Ikipe y’Ingabo z’u Rwanda y’umukino w’intoki wa Handball, APR HC, yegukanye igikombe cyo Kwibohora cya 2026, itsinze bigoranye Police HC amanona 35-33.
Police HC yatangiye uyu mukino n’imbaraga nyinshi ubona ifite icyizere, ndetse isoza igice cya mbere iyoboye n’ibitego 16-14, wabonaga ko ishobora gutsinda uyu umukino utari woroshye. Ibi si ko byakomeje, kuko mu gice cya kabiri byaje guhindura isura, APR HC yakinnye neza mbese irusha Police HC, ndetse inishyura cya kinyuranyo, bituma iminota 60 isanzwe y’umukino irangira amakipe yombi anganya ibitego 27-27, bivuze ko imibare ku mpande zombi yahise ikomera.
Byasabye ko hitabazwa iminota icumi (10) y’inyongera nk’uko biteganywa n’amategeko y’uyu mukino. Iyi minota icumi yongereweho na yo yarangiye idaciye impaka ngo nyiri igikombe aboneke, kuko yarangiye amakipe yombi anganya ibitego 31-31, biba ngombwa ko hitabazwa penaliti, nk’uko bisanzwe bigenda.
APR HC yabyitwayemo neza kuko umunyezamu wayo Uwayezu Arsene, yakuyemo penaliti ebyiri, bityo iyi kipe itsinda penaliti 4-2 za Police HC, izi na zo zikaba zongewe kuri bya bitego byo mu minota yabanje, umukino urangira ku ntsinzi ya APR HC y’ibitego 35-33, yegukana igikombe ityo.
