Ikipe ya Kepler VC yo mu Rwanda, ni yo yatwaye igikombe mu bagabo cy’irushanwa ryo Kwibuka ku nshuro ya 32 Jenoside yakorewe Abatutsi mu 1994 (GMT), itsinze APR VC amaseti 3-0 (25-22, 28-26, 25-21), mu gihe ikipe ya Kenya Pipeline VC ari yo yegukanye igikombe mu bagore, nyuma yo gutsinda APR WVC amaseti 3-0 (25-17, 25-20, 25-15).
Iyi yari imikino ya nyuma y’iri rushanwa yabaye ku Cyumweru tariki 22 Kamena 2026, yombi ikaba yabereye kuri Petit Stade i Remera.
Mbere y’iyi mikino ya nyuma, habanje imikino yo guhatanira umwanya wa gatatu, aho Police VC mu bagabo yatsinze REG VC amaseti 3-1 (25-22, 25-25-17, 20-25, 29-27), naho mu bagore Police WVC itsinda Kepler WVC amaseti 3-2 (21-25, 25-23, 25-12, 13-25, 11-25).
Umukinnyi w’irushanwa mu bagore yabaye Marian Sokoiyo wa Kenya Pipeline, mu gihe mu bagabo yabaye Wyclif Dusenge wa Kepler, akaba na Kapiteni w’ikipe y’Igihugu ya Volleyball.
Irushanwa ry’uyu mwaka ryatangiye ku itariki ya 19 Kamena risozwa ku Cyumweru tariki 21 Kamena 2026, aho ryitabiriwe n’amakipe 6 mu bagore n’amakipe 8 mu bagabo, yo mu bihugu by’u Rwanda, Kenya, Uganda na Benin.
